დაცვის პოლიციის დეპარტამენტი ყველა წვევამდელს სთავაზობს ანაზღაურებად საკონტრაქტო-სამხედრო სამსახურს. 18-27 წლის ასაკის მოქალაქეებს საშუალება აქვთ სამხედრო საკონტრაქტო სამსახური დაცვის პოლიციაში გაიარონ. სამხედრო აღრიცხვაზე მყოფი მოქალაქეები ერთი წლის ვადით მიიღებიან.
დაცვის პოლიციაში სამხედრო სავალდებულო სამსახურის მოხდა წვევამდელების გარდა შეუძლიათ:
- სტუდენტებს
- დედისერთებს
- 27 წლამდე მამაკაცებს, რომლებსაც მეუღლე და შვილები ჰყავთ.
სამსახურში ჩასარიცხად საჭიროა:
- კანდიდატი მობრძანდეს დაცვის პოლიციის დეპარტამენტში, მისამართზე: აღმაშენებლის ხეივანი მე-11 კმ.
- მიმართოს ადამიანური რესურსების მართვის სამმართველოს პირადი განცხადებით.
- გაიაროს გასაუბრება და ჯანმრთელობის კომისიის შემოწმება.
შერჩეული კანდიდატები გაივლიან სპეციალური მომზადების კურსს. სამხედრო ფიცის შემდეგ ჩაირიცხებიან შინაგან საქმეთა სამინისტროს საკონტრაქტო სამსახურში და დაცვის პოლიციის დეპარტამენტის სხვადასხვა ქვედანაყოფებში დასაქმდებიან.
პირობები
- ვადა: 12 თვე
- გრაფიკი: სამ დღეში ერთხელ - 24 საათიანი მორიგეობა
- ყოველთვიური ანაზღაურება - 95 ლარი
